”முதலமைச்சர் ரஜினி” - அதிர்ச்சி திட்டம் அம்பலம்

இலங்கையில் தமிழர்களுக்கு இன்னும் நீதி கிடைக்கவில்லை.
அவர்கள் சுதந்திரம் இல்லாமல் தான் வாழ்ந்து கொண்டிருக்கிறார்கள். அங்கு தமிழர்களுக்கு சகஜமான
நிலை தான் இருக்கிறது என்பதை உலகிற்கு காட்ட தான் ரஜினியை அழைத்து 150 வீடுகளை ஒப்படைக்கும் நிகழ்ச்சியை நடத்துகிறார்கள் என்று
திருமாவளவன், வைகோ, சீமான் ஆகியோர் கூறினார்கள்.

அவர்களின் கோரிக்கயை ஏற்று இலங்கை பயணத்தை ரத்து செய்வதாக ரஜினி கூறினார்.
ரஜினியின் இலங்கை பயணம் ரத்து ஆனதால் கதறி அழுபவர்கள் யார் தெரியுமா?
பிஜேபி, இலங்கை அமைச்சர்கள் மற்றும் ராஜபக்‌ஷேவின் மகன். இதன் மூலமே ஒன்று தெளிவாய் தெரிகிறது.
திருமாவளவன் சொன்னது உண்மை தான் என்று புரிகிறது.

இலங்கையின் அமைச்சர் என்ன என்ன சொல்லியிருக்கார் தெரியுமா?
ரஜினிகாந்த் இலங்கைக்கு வந்திருந்தால், நாங்கள் பிடித்து வைத்திருக்கும் தமிழர்களின் படகுகளை விடுவித்து
இருப்போம் என்று சொல்கிறார்.

“நான் அரசியல்வாதி அல்ல” என்று ரஜினிகாந்த் தன் அறிக்கையில் சொல்லியிருக்கிறாரே.
ஆனால் நடப்பவதை அனைத்தும் இவர் ஒரு அரசியல்வாதி தான் என்று தெளிவாய் காட்டுகிறது.
இரு நாட்டு அதிகாரிகள் பேசினாங்க. இரு நாட்டு அமைச்சர்கள் பேசினாங்க.
அப்ப எல்லாம் படகுகளை விடலை.

ஆனா, ரஜினி இலங்கைக்கு வந்தா மட்டும் போதும். படகுகளை விடுவிப்போம் என்று சொல்றாங்க.
ரஜினி என்ற சினிமா கலைஞனுக்கு கிடைக்கும் மரியாதையா? நிச்சயம் அல்ல.
ரஜினி என்ற அரசியல்வாதிக்கு கிடைக்கும் மரியாதை.
ரஜினி என்ற பிஜேபி அடிமைக்கு கிடைக்கும் மரியாத.

ரஜினி இலங்கைக்கு வந்திருந்தால், இலங்கை அதிபரை சந்தித்து இருக்கலாம்,
மீனவர் பிரச்சனையை தீர்க்க ரஜினி யோசனை தந்திருக்கலாம். அதன் மூலம் பிரச்சனைக்கு ஒரு தீர்வு கிடைத்திருக்கும்
என்று இலங்கை அமைச்சர் கூறுகிறார்.

இத்தனை ஆண்டுகளாய் இரு நாட்டு அதிகாரிகள் பேசி தீர்வு எட்டப்படலை.
ஆனால் ரஜினி என்னும் சினிமாகாரன் மூலம் மீனவர் பிரச்சனைக்கு தீர்வு ஏற்பட்டு விடும் என்று அவர் சொல்வது
வேடிக்கையாக இருக்கிறது.

ரஜினியின் இலங்கை பயணத்துக்கு ஏன் இலங்கை அரசு இவ்வளவு முக்கியத்துவம் கொடுக்கிறது.
ரஜினியை அழைத்து இலங்கை தமிழர்களுக்கான வீடுகளை திறப்பது, இலங்கை தமிழர்களை சந்திக்க வைப்பது
போன்ற நிகழ்ச்சிகளை செய்வதன் மூலம் உலகத்தின் பார்வையில் இலங்கை அரசு
தமிழர்களின் நலனுக்காக பாடுபடுகிறது என்ற தோற்றத்தை உருவாக்கி விட முடியும்.
உலகத்தில் இருக்கும் அனைத்து தமிழர்களுக்கும் ரஜினி என்ற நடிகரை தெரியும்.
அதனால் அவரை அழைத்து தமிழர்களுக்கு வீடு வழங்கும் போது, உலகத்தின் பார்வையே அந்த நிகழ்ச்சியில்
தான் இருக்கும். இலங்கை அரசின் எண்ணமும் ஈடேறும்.

ரஜினியின் இலங்கை பயணத்துக்கு ஏன் பிஜேபி முக்கியத்துவம் கொடுக்கிறது.
ரஜினி பிஜேபியில் இணைய போகிறார் என்று தகவல் கடந்த சில வாரங்களாக வருகிறது.
ரஜினியின் இலங்கை பயணத்தின் பயனால் மீனவர்களின் படகுகள் விடுவிக்கப்பட்டது
என்ற வெற்றி கோஷத்துடன் ரஜினி பிஜேபியில் இணைவார் என்பது திட்டமாக இருக்கலாம்.
ஆனால் வைகோ, திருமாவளவன், சீமான் ஆகியோர் எதிர்ப்பு தெரிவித்ததன் காரணமாக,
ரஜினி இலங்கை பயணத்தை ரத்து செய்தார்.

அதனால் பிஜேபி கடும் அதிர்ச்சி அடைந்தார்கள்.
பிஜேபி யாரையாவது திட்ட வேண்டும் என்றால் சுப்ரமணியசுவாமியை தான் செய்ய சொல்வார்கள்.
இம்முறையும் அவரே திட்டினார். ரஜினியை பயந்தாங்கொள்ளி என்று திட்டி தீர்த்தார்.

தமிழகத்தை இப்போதைக்கு ரஜினியிடம் இருந்தும், பிஜேபியிடம் இருந்தும் காப்பாற்றிய
கடவுளுக்கு நன்றி.

பிஜேபி ரஜினியை விட மாட்டார்கள். அவரை அரசியலுக்கு வர சொல்லி தொந்திரவு கொடுப்பார்கள்.
தாங்கள் சொவதை கேட்க வில்லை என்றால், ரஜினியின் வண்டவாளத்தை வருமான வரி துறை பரிசோதனை மூலம் உலகிற்கு காட்டுவோம் என்று
மிரட்டுவார்கள்,’