Thursday, May 18, 2017

செரலாக்கில் சுவையான குலோப் ஜாமுன் | வாங்க சமைக்கலாம்



செரலாக் குலோப் ஜாமுன் செயது எப்படி?

ஜாமுன் உருண்டைகளுக்கு:

செரலாக் -  4 டேபில் ஸ்பூன்
வெள்ளை பிரட் - 1 ஸ்லைஸ்
பால் - 1/4 கப்
எண்ணெய் - பொறிப்பதற்கு

சர்க்கரை பாகு:
சர்க்கரை - 1/2 கப்
தண்ணீர் - 1/2 கப்
ஏலக்காய் - 1
கும்குமப்பூ - சிறிதளவு
எலுமிச்சை சாறு - 1/4 டீஸ்புன்


சர்க்கரை பாகு செய்முறை:
1) ஒரு பாத்திரத்தில், சர்க்கரை மற்றும் தண்ணீரை சேர்த்து மிதமான தீயில் சர்க்கரை கரையும் வரை கொதிக்க விடவும்.
2) கும்குமப்பூ, ஏலக்காய் மற்றும் எலுமிச்சை சாறு ஆகியவற்றை சேர்க்கவும்.

ஜாமுன் உருண்டைகள் செய்முறை:
1) ஒரு பாத்திரத்தில் செரலாக்குடன் கொஞ்சம் கொஞ்சமாக பாலை சேர்த்து கலக்கவும்..
2) மீதம் உள்ள பாலில் பிரட் தூண்டுகளை தோய்த்து, பிழிந்து செரலாக் கலவையுடன் கலக்கவும்.
3)ஒரிரு நிமிடங்கள் கலவை ஒன்று சேரும் வரை பிசையவும்.
4) சிறிதளவு எண்ணெயை கையில் தேய்து ஜாமுன் உருண்டைகள் செய்யவும்.
5) எண்ணெய் கடாயில் மிதமான தீயில் ஜாமுன் உருண்டைகளை பொறித்து எடுக்கவும்.
6) பொறிக்கும் நேரத்தில், சர்க்கரை பாகை லேசாக சுடு செய்யவும்.
7) பொறித்த உருண்டைகளை சுடான சர்க்கரை பாகில் சேர்த்து 1-2 மணி நேரம் ஊற விடவும்.
8) நீங்கள் ரசித்து சாப்பிட சுவையான குலோப் ஜாமுன் தயார்.

Monday, May 8, 2017

15 நிமிடத்தில் சுவையான மோர் குழம்பு செய்வது எப்படி? | வாங்க சமைக்கலாம்



தேங்காய் விழுதிற்கு தேவையான பொருட்கள்:
பச்சை மிளகாய் - 2-4
இஞ்சி - 1-2 டேபில் ஸ்பூன்
துருவிய தேங்காய் - 2 டேபில் ஸ்பூன்
தனியா - 1 டீஸ்புன்
சீரகம் -  1 டீஸ்புன்

குழம்பிற்கு தேவையான பொருட்கள்:
தயிர் - 2 கப்
நறுக்கிய வெங்காயம் - 1
மஞ்சள் தூள் - 1 டீஸ்புன்
உப்பு - தேவையான அளவு
கடுகு - 1 டீஸ்புன்
சீரகம் - 1/2 டீஸ்புன்
கருவேப்பிலை - 1 குச்சி/சிறிதளவு
காய்ந்த மிளகாய் - 1

செய்முறை:
1) பச்சை மிளகாய், இஞ்சி, தேங்காய், தனியா, சீரகம் ஆகியவற்றுடன் சிறிதளவு தண்ணீர் சேர்த்து நன்றாக அரைக்கவும்.
2) சுடான கடாயில் எண்ணெய் கொதித்தவுடன், கடுகு, சீரகம், காஞ்ச மிளகாய் ஆகியவற்றை போட்டு பொறியவிடவும்.  பிறகு கருவேப்பிலை சேர்க்கவும்.
3) நறுக்கிய வெங்காயம், மஞ்சள் தூள், உப்பு ஆகியவற்றை சேர்த்து வதக்கவும்.
4) அரைத்த தேங்காய் விழுதை சேர்த்து இஞ்சியின் பச்சை வாடை போகும் வரை வதக்கவும்.
5) தீயை குறைத்து தயிரை சேர்க்கவும். நடுவில் ஒரு கொதி வரும் வரை மிக குறைவான தீயில் சமைக்கவும்.
6) தீயில் இருந்து எடுத்து இறுதியாக கலக்கவும்.
7) ருசியான மோர் குழம்பு தயார்.

Tips:
1) மோர் குழம்பு திரிந்து விட்டால், இறுதியில் தீயில் இருந்து எடுத்த பிறகு, சிறிதளவு தயிரை சேர்த்து கலக்கவும்.
2) மோர் குழம்பு திரிந்து விட்டால், ஒரு ஸ்புன் அரிசி மாவுடன் கால் டம்பளர் தண்ணீர் சேர்த்து, அந்த மாவு கலவையை   குழம்பில் ஊற்றி, மீண்டும் மிதமான தீயில் கொதிக்கவிடவும்.